Hemen da ‘Euskara Piztuz’ jaia
Barakaldoko Eskolen Arteko Euskararen Jaia ospatuko dute bihar, asteazkena, goiz osoan zehar, Herriko Plazan. LHko 2.400 ikaslek parte hartuko dute.
Egitarauari dagokionez, 09:30ean ipiniko da martxan festa. LHko 3. eta 4. mailako ikasleek egindako pankartak erakutsiko dituzte, baita euskararen alde idatzitako mezuak irakurri ere.
Euskara piztuz. Argazkia: barakaldo.org
Ondoren, 5. eta 6. Mailakoen txanda izango da. Izan ere, euskaraz osaturiko bertsoak abesteaz gain, euskal kanta herrikoiak abestuko dituzte.
Gainera, disko-jartzaile batek musikaz girotuko du eguna. Horrez gain, zenbait bertsolari ere kantuan arituko dira, euskara ikasgeletatik at ateratzeko. Horixe da, hain zuzen ere, ‘Euskara piztu’ ekimenaren helburua: Barakaldon euskara kalera dadin.