Gernika esaten badut
lanbroa ageri da
 sagarrondorik gabe
garatutako historia liburuetan.
Â
Gernika abesten badut
Maite ditudan bazterrak
Betetzen dituzte hildakoen izenek
Oraindik galdu gabe dagoen toponimian.
Â
Gernika ikusten badut
Lapurtutako koadro bat dago
Munduari begira
Hemengoa ez den museo batean.
Â
Gernika oroitzen badut
Zure ezpainak dira
Itzaltzen ez den suak hartuta.
Â
Gernika idazten badut
Dornier, junker edo heinkel
Bezalako hitzekin
Harriz betetako basamortua
Zabaltzen da azoka egunetan.
Â
Gernika esaten badut
Gernika abesten badut
Gernika ikusten badut
Gernika oroitzen badut
Gernika idazten badut
Â
Errautsetatik koloreak bildu dituen
Herri bat erakusten ari naiz
Munduko gernika guztiekin batera
(Sarajevo, Bagdad, Gaza, Donbass, Kobane…)
Koadroa noiz amaituko den galdezka.
Hauxe da Gari Berasaluzeren poema. Gernika esaten badut izenekoa, bere azken lanean, Enarak itzuli dira poema liburuan irakur dezakeguna. Musika ere baduen egitasmoa da hau, izan ere, Eraso taldeko Serge-kin batera kaleratutako lana da. Hark, izenburu berarekin bere lehenengo diskoa kaleratu du, eta Gari Berasaluzek poema liburua egin du. Diskoan agertutako abesti guztien letra Berasaluzek egin ditu. Lubaki Banda talde mitikoan ibili zen Gari Berasaluze; 1999an Azaro urruneko intifadak kaleratu zuen eta esku artean dugun hauxe da berriena.
Goizalde Landabaso