Berrasmatutako egun haietara,
argi epeleko orduetara
jaio nahi nuke berriz,
orri pasa lasaian
galdutako usainak eta akitutako ferekak
zaratarik gabe berritu geure artean.
Â
Ezinaren aurrean jaiki
eta minutu eramangarriak
txirikordatu nahi ditut
bizi ez direnen gomutaz
bizi direnentzat…
Segundo ederren itxaropena
elikatzen ari naizela uste dut
zure bila nabilenean
Â
Eta oherakoan
zuk erakutsi bezala gauero ixten ditut paradisuko ateak.
Hauxe da Jose Luis Otamendiren Ama poema, Disoluzio agiriak izena daraman poema liburuan agertutakoa. Kaleratu berria da liburua, Susa argitaletxearen eskutik. Beste behin ere poesiara jo du Otamendik, egun dagoen poeta interesgarrienetakoa. 1959an jaio zen Azpeitian, eta 1980an Ustelarekin kaleratutako lehenengo poema-liburutik hamaika plazaratu ditu. Zainetan murrailak, Nakarrik bahago neguan, Lur bat zure minari edota Kapital publikoa 2014an. Hauxe da kaleratu berri duen lana, Disoluzio agiriak.
Goizalde Landabaso