Aro eta belaunaldi guztiek
euren bihurgunea daramate.
Hori adierazten digu maskor petrifikatuak,
denboraren isiltasuna ponpatzen duenak.
Â
Margolan batetik bezala azaleratutako
maskor petrifikatuak
hainbeste urtetan markoztutako bizitza
eusten jarraitzen du.
Â
Bere burua deseskalatuz
iritsi da gaurdaino
(nahiz eta oraindik ez den ailegatu).
Â
Bere barne-paisaia
Alboan eduki nahiko nuke beti,
Material iragazgaitz, kontrapisu eta
Ikerketa-lerro gisara eduki ere.
Hauxe da Amaia Iturbideren Paleontologia poema. Dagoeneko esku artean dugun 1961ean Bilbon jaiotako idazlearen berria: Isiltasunaren ildoetan. Erein argitaletxearekin egin du. Dozena bat liburu ditu kaleratuak, gehienek poesia dakarte. Idazle interesgarrienetakoa da Amaia Iturbide. 1986an kaleratu zuen bere lehenengo Eskaileraren bi aldetan, eta harrezkero poemak, ipuinak eta saiakera lan zenbait plazaratu ditu. Sariak ere irabaziak ditu, eta 2012.urtean euskararen alde egindako lanagatik Lauaxeta saria lortu zuen.
Goizalde Landabaso