Lurrean dira eserita bata besteari begira,
nor bere paretan,
neska bat eta mutil bat,
unibertsitateko ikaskideak,
Bilboko auzo burges bateko etxeorratz baten zortzigarren solairuan,
azterketa baten ondoko afari batetik bueltan.
Anfitriona aspaldi da ohean.
Ez ditu gogoan haien hitzak,
soilik gorputzek hormari eutsi nahian marrazten duten mugimendu narrastia,
elkarri dizkioten begirada iheskorrak.
Egunsentia nagusituz doa.
Izan(go ez) denaren amaiera.
Bi metro t’erdi, ez batak ez besteak ibiliko ez duten tartea.
Bi metro t’erdi, apenas ezer, edo amildegi.
Hauxe da Mari Luz Estebanek idatzitako poema, Amaren heriotzak libreago egin ninduen poema liburuan agertutakoa. Pamiela argitaletxeak kaleratu zuen 2013an, eta berriki kaleratu da espainierazko bertsioa: La muerte de mi madre me hizo más libre, La Oveja Roja argitaletxearekin. Bera antropologoa da, Euskal Herriko Unibertsitateko irakaslea, eta antropologiaren inguruan argitaratu ditu bere lanak. Hauxe da kaleratu zuen lehen fikzio lana, poesia liburua.
Goizalde Landabaso
Y aquí acaba la historia de este blog de Pompas de Papel. A partir de…
Última entrega por esta temporada del concurso de Pompas de Papel en el que Bego…
Sardinerak es el quinto título de la colección de álbumes trilingües Ipuinak que edita la…
Gizakiaren bizitza distantzian egiten den ekintza baizik ez denez, Edalontzi baten barruan dir-dir egiten duen…
Es el autor de este libro un ciudadano sensato que, preocupado por el futuro del…