egarri naizenean ihintza edaten dut
zerua desertu urdin bat da nire gainean
eta ez dut leiho beharrik
portuak lehortzen doazela ikusteko.
Farolez eginiko mendi bat daukat aurrean
asfaltoa dut oinetako
olaltu beltz estatiko bihurgunez justifikatua
espaloietako losen azpian
aspaldian ez dut izaki bizidunik aurkitzen.
Gero eta putzu gutxiago daude gure herrian
denbora da ez ditudala oinak uretan busti
Belarra atera zaio etxeko sofari
haren gainean luze botata egoteagatik
bueltak ematen ditut nire inguruan
feruak umetokian bezala neure buruari
Zorionekoak
zein mundutan bizi garen zehazki ez dakigunok.
Hauxe da Leire Bilbao ondarrutarrak bere Scanner liburuan agertu zuen poemetako bat. Orain beste argitalpen batean, Bartleby argitaletxeak kaleratutako Traslúcidas poema liburuan aurki genezake bere poema zenbait, espainieratuak. Emakumeek idatzitako poema bilduma da hau, Marta Lopez Vilar-ek atondutakoa, eta besteak beste: kataluniarrak, galiziarrak eta espainiar idazleak daude. Bertan agertzen da Miren Agur Meabe ere.
Goizalde Landabaso
Y aquí acaba la historia de este blog de Pompas de Papel. A partir de…
Última entrega por esta temporada del concurso de Pompas de Papel en el que Bego…
Sardinerak es el quinto título de la colección de álbumes trilingües Ipuinak que edita la…
Gizakiaren bizitza distantzian egiten den ekintza baizik ez denez, Edalontzi baten barruan dir-dir egiten duen…
Es el autor de este libro un ciudadano sensato que, preocupado por el futuro del…